विपद्का कारण १९२ जना भन्दा बढीको मृत्यु, २५ जना अझै बेपत्ता

Bipad

अञ्जना ढकाल

२ बर्ष अघि

पाठक संख्या ११९

देशभरमा हालसम्मको विपद्का कारण १९२ जना भन्दा बढीको मृत्यु भइसकेको छ भने २५ जना अझै बेपत्ता रहेका छन्। लगातारको भारी वर्षाका कारण आएको बाढी, पहिरो, र अन्य प्राकृतिक विपद्को प्रभावले ठूलो जनधनको क्षति भएको छ।

नेपालभर विभिन्न ठाउँमा परेको लगातारको वर्षाले बाढी, पहिरो जस्ता समस्याहरू निम्त्याएको छ। बागमती, नारायणी, कोशी लगायतका प्रमुख नदीहरूमा आएको बाढीले धेरै जिल्लामा डुबान र क्षति पुर्याएको छ। यसबाहेक, पहाडी क्षेत्रमा पहिरो खस्दा थुप्रै बस्तीहरू प्रभावित भएका छन्।

यी मध्य धेरै प्रभावित क्षेत्रहरूमा सर्लाही, सिन्धुपाल्चोक, गुल्मी, बागलुङ, र काभ्रेपलाञ्चोक जिल्ला रहेका छन्। काठमाण्डौमा पनि बाढी पहिरोको कारणले धेरै क्षति पुर्यायको छ। यी क्षेत्रहरूमा बाढी र पहिरोले ठूलो क्षति पुर्याएको छ। नेपाल सरकार, नेपाली सेना, नेपाल प्रहरी, सशस्त्र प्रहरी, र स्थानीय निकायहरू उद्धारमा खटिएका छन्। उनीहरूले प्रभावित क्षेत्रमा राहत सामग्री वितरण गरिरहेको र उद्दार प्रयासलाई तीव्रता दिइरहेको जानकारी दिएको छ। तैपनि, विपद्को अवस्था अझै पनि नियन्त्रणमा आउन सकेको छैन, र धेरै बस्तीहरूमा राहत पुग्न कठिनाइ भइरहेको छ।

पानी रोकिएपछि अब विपद् प्रभावित क्षेत्रहरूमा राहत, पुनर्निर्माण, र उद्धार कार्यलाई तीव्रता दिने काम सुरु भएको छ। यसमा साथै बेपत्ता रहेका २५ जनाको खोजी जारी छ, र उद्दार टोलीहरू प्रभावित क्षेत्रतिर खटिइरहेका छन्। सरकारले सबै नागरिकलाई सतर्क रहन आग्रह गर्दै आवश्यक स्थानमा सुरक्षित बसोबासको व्यवस्था गर्न थालेको छ।