समोसामा कीरा फेला परेपछि एक होटललाई २० हजार जरिवाना

Samosa

अञ्जना ढकाल

१२ महिना अघि

पाठक संख्या १५६

सिरहाको लहानमा माखन भोग होटललाई ग्राहकको स्वास्थ्यसँग खेलवाड गरेको आरोपमा खाद्य तथा गुण नियन्त्रण कार्यालयले रु. २० हजार जरिवाना गरेको छ। उपप्रमुख रामचलितर महतोको नेतृत्वमा गरिएको बजार अनुगमनका क्रममा उक्त होटलका समोसामा कीरा फेला परेपछि कारबाही गरिएको हो। 

साथै, अनुगमन टोलीले कृष्णा सप्लायर्समा लाखौँ मूल्य बराबरका म्याद गुज्रिएको पेयपदार्थ फेला पारेको छ र ऋषिजल पानी कम्पनीले मिनरल वाटरको मूल्य बढी राखेर बिक्री गरिरहेको भेटियो। कृष्णा सप्लायर्सलाई तीन दिनभित्र म्याद गुज्रिएका पेयपदार्थ नष्ट गर्न निर्देशन दिइएको छ भने ऋषिजललाई स्पष्टीकरण मागिएको छ। 

संविधान र स्थानीय सरकार सञ्चालन ऐन अनुसार, स्थानीय बजार अनुगमनको जिम्मेवारी स्थानीय सरकारलाई दिइएको छ।