नेपालमा हालको समयावधिमा डेंगुका कारण मृत्यु हुनेको संख्या ८ पुगेको छ। इपिडिमियोलोजी तथा रोग नियन्त्रण महाशाखाले जनाएको अनुसार, यो तथ्यांक १ जनवरीदेखि ७ अक्टोबरसम्मको हो।
महाशाखाका अनुसार, यस अवधिमा १७,६०२ जनामा डेंगुको सङ्क्रमण पुष्टि भएको छ, र ७६ जिल्लामा डेंगु फैलिएको छ।
प्रभावित जिल्लामा कास्की सबैभन्दा बढी प्रभावित छ, जहाँ २,७०९ जनामा डेंगुको सङ्क्रमण पुष्टि भएको छ। त्यसपछि काठमाडौँमा २,५६७ जना, तनहुँमा १,९५४ जना, पर्वतमा १,४२१ जना र चितवनमा ९०७ जनामा सङ्क्रमण पुष्टि भएको छ।
प्रदेशअनुसार गण्डकी प्रदेशमा सबैभन्दा बढी ८,०६२ जनामा डेंगु देखिएको छ, र बागमती प्रदेशमा ५,५७१ जनामा सङ्क्रमण भएको छ। त्यस्तै, कोशी प्रदेशमा १,४२२ जना, लुम्बिनीमा १,१३५ जना, सुदूरपश्चिम प्रदेशमा ८१८ जना, मधेसमा ३४३ जना र कर्णाली प्रदेशमा २५१ जनामा डेंगुको सङ्क्रमण पुष्टि भएको छ।
अञ्जना ढकाल
प्रतिक्रिया दिनुहोस