खसीको मासुको नाममा बाख्राको मासु बेच्ने पसलेलाई रु ५,००० जरिवाना

Masu

अञ्जना ढकाल

११ महिना अघि

पाठक संख्या १४७

लहान नगरपालिका, सिरहा द्वारा बजार अनुगमनलाई तीब्र बनाइँदै छ। सोमबारको अनुगमनमा, उपप्रमुख रामचलितर महतोको नेतृत्वमा खसीको मासुको नाममा बाख्राको मासु बेच्ने पसलेलाई रु ५,००० जरिवाना गरिएको छ।

यसैगरी, लहान बर्गर हाउसले गुणस्तरहीन तेल प्रयोग गरेको कारण रु ११,००० जरिवाना गरिएको छ, जसबारे महतोले जानकारी दिएका छन्। अनुगमन टोलीमा इलाका प्रशासन, घरेलु, प्रहरी, र पत्रकारहरूको सहभागिता थियो। 

अनुगमनपछि उपप्रमुख महतोले उपभोक्ताहरूबाट आएको गुनासो सम्बोधन गर्ने उद्देश्यले बजार अनुगमनको निरन्तरता हुने जानकारी दिएका छन्। केही पसललाई सचेत गराउँदै नगरपालिकाले बजारमा हुने ठगी नियन्त्रण गर्न अनुगमनलाई सशक्त बनाउने बताएको छ।