कतारमा फरार अभियुक्त पक्राउ, पत्नीको हत्या आरोपमा नेपाल ल्याइयो

Pakrau

अञ्जना ढकाल

७ महिना अघि

पाठक संख्या ९४

जिल्ला प्रहरी कार्यालय झापाका सूचना अधिकारी कृष्णकुमार चन्दले पत्नीको हत्या आरोपमा फरार रहेका ३८ वर्षीय गजेन्द्र वान्तवा राईलाई कतारबाट पक्राउ गरी नेपाल ल्याइएको जानकारी दिएका छन्।

नेपाल प्रहरीको इन्टरपोल शाखाले जारी गरेको रेड कर्नर नोटिसका आधारमा राईलाई कतारमा पक्राउ गरिएको हो। अभियुक्त राई विसं २०७८ मङ्सिर ३ गते पत्नी शर्मिला तामाङ राईको हत्या गरेर फरार भएका थिए।

प्रहरीका अनुसार हत्या पछि फरार भएका राईलाई खोजी गर्ने क्रममा कतारमा लुकिछिपी बसेको थाहा पाएपछि इन्टरपोलको माध्यमबाट रेड कर्नर नोटिस जारी गरिएको थियो। उनलाई मङ्गलबार नेपाल ल्याइएको छ भने धुलावारी इलाका प्रहरी कार्यालयले उनीमाथि थप अनुसन्धान गरिरहेको जानकारी दिइएको छ।