रवि लामिछाने र छविलाल जोशीको मुद्दाको सुनुवाइ सकियो, आजै आदेश आउने सम्भावना

अञ्जना ढकाल

११ घण्टा अघि

पाठक संख्या ५७

काठमाडौँ, जेठ ९ – राष्ट्रिय स्वतन्त्र पार्टीका सभापति रवि लामिछाने र पूर्वडीआइजी छविलाल जोशीको मुद्दामा आज सर्वोच्च अदालतमा सुनुवाइ सम्पन्न भएको छ।

जाहेरवाला र प्रतिवादी पक्षका वरिष्ठ कानुन व्यवसायीहरूको उपस्थितिमा व्यापक बहस गरिएको छ।

जाहेरवालाको तर्फबाट वरिष्ठ अधिवक्ता सुरेन्द्र भण्डारी, दिनेश त्रिपाठी र अधिवक्ता रामचन्द्र आरसी गौतमले बहस प्रस्तुत गरे।

त्यसपछि प्रतिवादी रवि लामिछानेको तर्फबाट वरिष्ठ अधिवक्ता सुशीलकुमार पन्त र अधिवक्ता रमनकुमार श्रेष्ठ तथा छविलाल जोशीको तर्फबाट अधिवक्ता सतिषकृष्ण खरेलले जवाफी बहस गरे।

सुनुवाइ सकिएपछि अदालतले आदेश लेखन कार्य सुरु गरिसकेको छ र आजै आदेश आउने सम्भावना रहेको छ। यो मुद्दालाई लिएर देशभर व्यापक चासो रहेको छ।