श्रीमतीको हत्या गरी फरार तामाङलाई भक्तपुरबाट पक्राउ

Pakrau

अञ्जना ढकाल

११ महिना अघि

पाठक संख्या १३१

काठमाडौँमा श्रीमतीको हत्या गरी फरार रहेका नुवाकोट दुप्चेश्वर गाउँपालिका-७ का जितबहादुर (काले) तामाङलाई भक्तपुरबाट पक्राउ गरिएको छ। गत वैशाख १९ गते दक्षिणकाली नगरपालिका-६ मा बस्ने ४५ वर्षीया डोल्मा शेर्पा आफ्नै डेरामा मृत अवस्थामा फेला परेकी थिइन्। अनुसन्धानका क्रममा शेर्पाको हत्या उनको पति जितबहादुरले कुटपिट गरी गरेको खुल्न आएको थियो। 

हत्या गरेपछि फरार भएका जितबहादुरलाई प्रहरीले उपत्यकाका विभिन्न स्थानमा लुकेर बसेको पत्ता लगाउँदै, भक्तपुर नगरपालिका-१० छालिङबाट पक्राउ गर्न सफल भएको हो। उनलाई आवश्यक कानूनी कारबाहीका लागि कीर्तिपुर प्रहरी वृत्तमा पठाइएको छ।