काठमाडौं - भक्तपुरमा एक युवकमाथि टाउकामा इटा प्रहार गरेको आरोपमा ६ जनालाई पक्राउ गरिएको छ।
पक्राउ पर्नेमा भक्तपुरको चाँगुनारायण नगरपालिका-६ खरिपाटीका १८ वर्षीय समिर नेपाली, भक्तपुर कमलपोखरीका १८ वर्षीय आशिख सिजखो, बारा घर भई खरिपाटी बस्ने १८ वर्षीय सुमन तामाङ, सिन्धुली घर भई खरिपाटी बस्ने १८ वर्षीय अशोक तामाङ, काभ्रे घरका १६ वर्षका दुई किशोर रहेका छन्। उनीहरूलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो।
आरोप अनुसार, उक्त समूहले ३० मंसिरको राति साढे ९ बजेतिर भक्तपुरको कमलपोखरीस्थित पाटीमा बसिरहेका २७ वर्षीय रन्जित कार्कीमाथि कुटपिट गरेको थियो। कुटपिटसँगै टाउकामा इँटाले प्रहार गरेर उनीलाई गम्भीर घाइते बनाइएको बताइएको छ। पक्राउ परेकाहरुलाई कारबाहीका लागि प्रहरी वृत्त जगाती पठाइएको छ।
अञ्जना ढकाल
प्रतिक्रिया दिनुहोस