सुर्खेत – सुर्खेतको वीरेन्द्रनगर–४ भैरबस्थानमा घरभित्र निसास्सिएर आमा र छोराको मृत्यु भएको छ।
३० वर्षीया देवीसरा थापा र उनका ६ वर्षीय छोरा रियान थापाको मृत्यु भएको जिल्ला प्रहरी कार्यालय सुर्खेतका प्रवक्ता डिएसपी वीरबहादुर विश्वकर्माले जानकारी दिएका छन्।
घटनामा देवीसराकी ९ वर्षीया छोरी रिया थापा गम्भीर घाइते भएकी छन् र कर्णाली प्रदेश अस्पतालमा उपचार भइरहेको छ।
प्रारम्भिक अनुसन्धान अनुसार घरभित्र कोइला बालेको कारण धुवाँमा निसास्सिएर घटना भएको हो। प्रहरीलाई बिहीबार बिहान मात्र खबर पुगेको थियो।
Sangeeta Gurung
प्रतिक्रिया दिनुहोस