काठमाडौं, चैत्र २३ – जनश्रम कृषि सहकारी संस्था लिमिटेडको प्रथम साधारण सभा आज काठमाडौंको नेकपा केन्द्रीय कार्यालय, बुद्धनगरमा हुने भएको छ।
दिउँसो १ बजे सुरु हुने उक्त सभामा नेकपा महासचिव नेत्रविक्रम चन्द ‘विप्लव’ प्रमुख अतिथिका रूपमा सहभागी हुने कार्यक्रम तय गरिएको छ।
सहकारीका देशभर रहेका सदस्यहरूको उपस्थितिमा आयोजना हुने साधारण सभामा वार्षिक प्रतिवेदन प्रस्तुत गरिनेछ भने आगामी योजनाहरूबारे विस्तृत छलफल गरिनेछ।
कार्यक्रमका दौरान महासचिव विप्लवले सभालाई सम्बोधन गर्नेछन्।
सहकारीका एक सदस्यका अनुसार, सभामा सदस्यहरूले सहकारीको गतिविधि, चुनौती र सम्भावनाहरूको समीक्षा गर्दै आगामी कार्ययोजनासम्बन्धी सुझावहरू पनि प्रस्तुत गर्ने छन्।
अञ्जना ढकाल
प्रतिक्रिया दिनुहोस