रवीन्द्र मिश्रको रिटमा सुनुवाइ सम्पन्न, निर्णय के आउला त?

अञ्जना ढकाल

७ घण्टा अघि

पाठक संख्या ३६

काठमाडौं, वैशाख ३१ – राष्ट्रिय प्रजातन्त्र पार्टी (राप्रपा) का उपाध्यक्ष रवीन्द्र मिश्रविरुद्ध दायर गरिएको बन्दी प्रत्यक्षीकरण रिटमाथि सुनुवाइ सकिएको छ।

न्यायाधीश सुनिलकुमार पोखरेलको इजलासमा मिश्रकी श्रीमती सरिका कार्कीद्वारा मंगलबार दायर गरिएको रिटमाथि सुनुवाइ सम्पन्न भएको हो। रिटमा मिश्रलाई गैरकानुनी रूपमा थुनामा राखिएको दाबी गरिएको छ।

गत चैत्र १५ गते काठमाडौँको तीनकुनेमा राजावादी समूहले आयोजना गरेको प्रदर्शनका क्रममा अराजक गतिविधि गरेको आरोपमा प्रहरीले मिश्रलाई पक्राउ गरेको थियो। उक्त घटनासँग सम्बन्धित अनुसन्धानका लागि उनलाई मंगलबार मात्रै थुनामा राख्न अदालतबाट थप पाँच दिनको म्याद लिएको छ।

यस विषयमा अदालतले के निर्णय लिन्छ भन्नेमा सबैको ध्यान केन्द्रित भएको छ।