प्रा.डा. विश्वनाथ पौडेल राष्ट्र बैंकको गभर्नरमा नियुक्त हुने

अञ्जना ढकाल

२ दिन अघि

पाठक संख्या ५८

काठमाडौं, जेठ ६ - नेपाल राष्ट्र बैंकको गभर्नरमा प्रा.डा. विश्वनाथ पौडेल नियुक्त हुने निश्चित भएको छ । प्रधानमन्त्री केपी शर्मा ओली र कांग्रेस सभापति शेरबहादुर देउवाबीच पौडेलको नाममा सहमति जुटेको हो ।

राष्ट्रिय योजना आयोगका पूर्वउपाध्यक्ष समेत रहेका पौडेल गभर्नर सिफारिस समितिका सदस्य थिए । तर कांग्रेसले उनलाई गभर्नरको उम्मेदवार बनाएकोले उनले समितिबाट राजीनामा दिएका थिए ।

आज साँझ मन्त्रिपरिषद् बैठक बस्नेछ, जसले सिफारिस समितिको प्रस्तावमा पौडेललाई गभर्नरमा नियुक्त गर्ने तयारी गरिएको स्रोतले जनाएको छ ।