राजसंस्था फर्काउने सपना नदेख्न पूर्वराजालाई सिटौलाको सुझाव

अञ्जना ढकाल

१ बर्ष अघि

पाठक संख्या ७६

काठमाडौं, जेठ १४ - नेपाली कांग्रेसका नेता कृष्ण सिटौलाले पूर्वराजा ज्ञानेन्द्र शाहलाई अहिलेको लोकतान्त्रिक व्यवस्थालाई उल्ट्याउने सपना नदेख्न सुझाव दिएका छन्।

काठमाडौंमा गणेशमान सिंह तथा जनआन्दोलन शहीद स्मृति शान्ति प्रतिष्ठानद्वारा आयोजित कार्यक्रममा बोल्दै सिटौलाले दिगो शान्ति सुनिश्चित गर्न परिवर्तनकारी शक्तिहरू एक ठाउँमा रहेको बताएका हुन्।

उनले वर्तमान संविधान र प्रजातान्त्रिक व्यवस्थाका विरुद्ध उठेका कुनै पनि आवाज जनताले निष्क्रिय पार्न सक्ने उल्लेख गरे।

यसैबीच, राजावादी पक्षले राजसंस्थाको पुनःस्थापनाको माग गर्दै भोलि जनआन्दोलनको घोषणा गरेका छन्। यसअघि चैत १५ गते तीनकुनेमा राजावादीहरूको प्रदर्शन हिंसात्मक बनेपछि एक पत्रकारसहित दुईजनाको मृत्यु भएको थियो भने कैयौं भौतिक संरचनामा क्षति पुगेको थियो।

सिटौलाको भनाइले वर्तमान व्यवस्थाको संरक्षण र सुदृढीकरणतर्फ प्रतिबद्धता जनाउँदै, राजसंस्थाको पुनर्स्थापनाको अभियानप्रति कडा असहमति जनाइएको छ।