प्रचण्ड र माधव नेपालबीच सिंहदरबारमा छलफल हुने

अञ्जना ढकाल

१ बर्ष अघि

पाठक संख्या १४३

काठमाडौं, साउन १२ - समाजवादी मोर्चाको बैठकको पूर्वसन्ध्यामा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा (एकीकृत समाजवादी) का अध्यक्ष माधवकुमार नेपालबीच आज दिउँसो विशेष भेटवार्ता हुने भएको छ।

दुई शीर्ष नेताबीच सिंहदरबारमा सोमबार दिउँसो ३ बजे छलफल हुने कार्यक्रम तय भएको नेपालनिकट स्रोतले जानकारी दिएको छ। यद्यपि छलफलको मुख्य एजेन्डा भने अझै औपचारिक रूपमा सार्वजनिक गरिएको छैन।

सूत्रका अनुसार समाजवादी मोर्चाको बैठक कहिले गर्ने भन्ने विषयमा अन्तिम निर्णय लिनेदेखि लिएर, विगतमा मोर्चाले सञ्चालन गरेका गतिविधिको समीक्षा र भावी रणनीतिबारे पनि कुराकानी हुने सम्भावना रहेको छ।

गएको चैत यता समाजवादी मोर्चाको बैठक बस्न नसकेको अवस्थामा अहिलेको भेटवार्तालाई महत्वपूर्ण रूपमा हेरिएको छ। दुई नेताबीचको संवादले मोर्चाभित्रको समन्वय र आगामी कदमबारे स्पष्ट दिशा दिन सक्ने राजनीतिक विश्लेषकहरूको अनुमान छ।