मोबाइल चलाउँदै गर्दा चट्याङ परेपछि गोरखामा २६ वर्षीय युवकको मृत्यु

अञ्जना ढकाल

१० घण्टा अघि

पाठक संख्या २१

गोरखा, वैशाख ७ - गोरखामा चट्याङ लागेर एक युवकको ज्यान गएको छ ।

आइतबार साँझ परेको चट्याङबाट गम्भीर घाइते भएका सहिद लखन गाउँपालिका–५, तोरेनस्थित पोखरीडाँडाका २६ वर्षीय विनोद थापाको उपचारका क्रममा गएराति मृत्यु भएको हो ।

जिल्ला प्रहरी कार्यालय गोरखाका सूचना अधिकारी तथा प्रहरी नायब उपरीक्षक राजकुमार श्रेष्ठका अनुसार थापा घरभित्र मोबाइल प्रयोग गरिरहेका बेला अचानक चट्याङ परेर घाइते भएका थिए ।

घाइते थापालाई तत्काल उपचारका लागि प्रदेश अस्पताल गोरखा पुर्‍याइएको थियो । तर उपचारकै क्रममा उनको ज्यान गएको प्रहरीले जनाएको छ ।