काठमाडौंसहित विभिन्न क्षेत्रमा हावाहुरी र वर्षा जारी

अञ्जना ढकाल

२ महिना अघि

पाठक संख्या ५५

काठमाडौं, वैशाख १६ - काठमाडौं उपत्यकामा बुधबार अपरान्हदेखि हावाहुरीसहित वर्षा भएपछि मौसम अचानक परिवर्तन भएको छ। वर्षासँगै तीव्र हावाहुरी चल्दा साँझ करिब ५ बजेसम्म नै उपत्यका र आसपासका क्षेत्रहरू अँध्यारो जस्तो देखिएको थियो।

जल तथा मौसम विज्ञान विभागले दिउँसो ४ बजेदेखि नै हावाहुरीसहित वर्षा हुने पूर्वानुमान पहिले नै सार्वजनिक गरेको थियो। सोही अनुमानअनुसार काठमाडौंसहित देशका विभिन्न भागमा मौसममा परिवर्तन देखिएको हो।

महाशाखाले जारी गरेको विवरण अनुसार हावाहुरीको प्रभाव साँझतिर अझ बढ्ने सम्भावना रहेको बताइएको थियो। प्रारम्भिक बुलेटिनमा अपराह्नदेखि नै मौसम अस्थिर हुने जानकारी दिइएको थियो।

त्यस्तै, विभागले हावाहुरी राति अबेरसम्म पनि जारी रहन सक्ने र केही स्थानमा बिहानीसम्म प्रभाव देखिन सक्ने सम्भावना उल्लेख गरेको थियो। प्रभावित क्षेत्र र समयबारे पनि पहिले नै जानकारी गराइएको थियो।

यस घटनाले उपत्यकाको दैनिक जनजीवनमा केही असर परेको छ भने मौसम अझै अस्थिर रहन सक्ने भएकाले सतर्क रहन आग्रह गरिएको छ।