अब नेपालीले विदेशमा पनि लगानी गर्न पाउने

अञ्जना ढकाल

११ घण्टा अघि

पाठक संख्या ४२

काठमाडौं, जेठ १५ - सरकारले नेपाली नागरिकलाई विदेशमा लगानी गर्ने बाटो खुला गर्ने घोषणा गरेको छ ।

आर्थिक वर्ष २०८३/८४ को बजेट प्रस्तुत गर्दै अर्थमन्त्री डा. स्वर्णिम वाग्लेले विदेशमा पुँजी लगानीसम्बन्धी व्यवस्था खुला गरिने बताएका हुन् । हालसम्म नेपालीलाई विदेशमा लगानी गर्न कानुनी रूपमा रोक लगाइएको थियो ।

सरकारले वैदेशिक लगानीसम्बन्धी नीतिमा सुधार गर्दै निश्चित मापदण्डका आधारमा नेपाली नागरिकलाई विदेशमा लगानी गर्न दिने तयारी गरेको जनाएको छ । नयाँ व्यवस्थाले व्यवसाय विस्तार तथा अन्तर्राष्ट्रिय बजारमा नेपाली लगानीकर्ताको पहुँच बढ्ने अपेक्षा गरिएको छ ।