मामाघर गएका अजय मानन्धर एक मृत अवस्थामा फेला परेका छन्।
मकवानपुरको हेटौँडा उपमहानगरपालिका स्थित पल्पसा प्याराडाइज होटेलमा काठमाडौँ महानगरपालिका-७ चाबहिल निवासी ४७ वर्षीय अजय मानन्धर मृत अवस्थामा फेला परेका छन्। उनी असोज २७ गतेदेखि ४०५ नम्बर कोठामा बसिरहेका थिए।
कार्तिक २ गते दिउँसो करिब ४ बजे उनका साथीहरूले फोन गर्दा प्रतिक्रिया नआएपछि होटेलमा आएर हेर्दा उनी मृत फेला परेका थिए। घटनाको जानकारी पाएपछि प्रहरी टोली घटनास्थल पुगेको थियो।
प्रारम्भिक अनुसन्धानले मानन्धर मामाघर आएको र अरु बेलामा पनि हेटौँडामा बस्दा सोही होटेलमा बस्ने गरेको पाइएको छ। मृतकको शव हाल हेटौँडा अस्पतालको शवगृहमा राखिएको छ भने प्रहरीले यस घटनाबारे थप अनुसन्धान गरीरहेको छ।
अञ्जना ढकाल
प्रतिक्रिया दिनुहोस