कांग्रेसले बीआरआई ऋण लिन नहुने अडान, अनुदानमा मात्र लिन सुझाव

KP Sharma Oli and Sher Bahadur Deuba

Sangeeta Gurung

२ बर्ष अघि

पाठक संख्या १४०

नेपालको सत्तारुढ दल नेपाली कांग्रेसले चीनको 'बेल्ट एन्ड रोड इनिसियटिभ' (बीआरआई) योजनामा ऋण लिन नसकिने अडान राखेको छ।

पार्टी सभापति शेरबहादुर देउवा र अन्य नेताहरूको बैठकपछि कांग्रेसले सरकारलाई बीआरआई अनुदानमा मात्र लिन सुझाव दिएको छ। कांग्रेस प्रवक्ता डा. प्रकाशशरण महतका अनुसार, बीआरआई ऋणले राज्यलाई अतिरिक्त भार थप्न सक्ने र विगतका उदाहरणहरूका आधारमा ऋण लिनु उपयुक्त नहुने निष्कर्षमा पुगेको छ।

कांग्रेसले बीआरआई योजनामा अनुदान, प्राविधिक सहयोग र कनेक्टिभिटी परियोजनामा काम गर्न सकिने बताएको छ। नेपालले सन् २०१४ मा बीआरआईमा सैद्धान्तिक सहमति जनाएको र २०१७ मा चीनसँग सम्झौतामा हस्ताक्षर गरेको थियो।

यता, प्रधानमन्त्री केपी शर्मा ओलीले पनि ऋण नलिने भनाइ सार्वजनिक गर्दै उत्पादन वृद्धि प्राथमिकता रहेको बताएका छन्। प्रधानमन्त्री ओली चीन भ्रमणमा जाने तयारीमा छन्, जहाँ बीआरआई सम्झौतामा थप प्रगति हुने अनुमान गरिएको छ।