काठमाडौँ, चैत्र ७ – नेपाल शिक्षक महासङ्घले दोस्रो चरणको आन्दोलनअन्तर्गत रिले अनसन सुरु गरेको छ। सरकारलाई सहमति कार्यान्वयनको दबाब दिन महासङ्घले आज बिहान ८ बजेबाट शिक्षा तथा मानव स्रोत विकास केन्द्रमा अनसन थालेको हो।
पहिलो दिन महासङ्घकी सहअध्यक्ष तथा आन्दोलन परिचालन समितिका संयोजक नानुमाया पराजुलीको नेतृत्वमा १५ जना महिला शिक्षक–कर्मचारी अनशनमा बसेका छन्। अनसन हरेक दिन बिहान ८ देखि बेलुका ६ बजेसम्म सञ्चालन हुनेछ।
यो अनसन चैत १५ गतेसम्म चल्नेछ भने चैत २० देखि काठमाडौं केन्द्रित आन्दोलन गरिने महासङ्घले जनाएको छ।
अञ्जना ढकाल
-1579.jpeg)
प्रतिक्रिया दिनुहोस