काठमाडौँ, चैत्र १७ - नेपाल कम्युनिस्ट पार्टीका महासचिव विप्लव सीले पश्चगमन र यथास्थितिको स्थिति वर्तमान समस्याहरूको समाधान नभएको बताएका छन्।
पार्टीको पोलिटब्युरो बैठकलाई सम्बोधन गर्दै विप्लवले नेपाली विशेषतामा आधारित समाजवादको पक्षमा उभिएर यसलाई समस्याको समाधानको मार्ग भएको बताएका छन्।
आज काठमाडौँमा दिउसोदेखि सुरु भएको बैठकमा विप्लवले बैठकको अध्यक्षता गर्दै नेपाली जनता अग्रगमनको पक्षमा रहेको बताएका छन्।
उनले नेपालमा पश्चगमनका पक्षमा केही राजावादीहरू सक्रिय भएका बताएका छन् र यसका बारेमा विशेष निर्णय लिनको लागि पार्टी पोलिटब्युरोको आकस्मिक बैठक बसेको जनाएका छन्।
बैठकमा राजावादीहरूको आन्दोलन, निर्वाचन आयोगमा पार्टीको दर्ता, ध्रुवीकरणबाट आएका नेताहरूको कार्यविभाजन, सामनाले सञ्चालन गर्ने सांस्कृतिक अभियान, देशभर आमसभा र गोष्ठीको स्थान र मिति तय गर्ने लगायतका विषयमा छलफल हुनेछ।
संघर्षका कार्यक्रमहरूको बारेमा निर्णय पनि गरिने नेकपा स्थायी समिति सदस्य अनिल सीले बताए।
अञ्जना ढकाल
-1579.jpeg)
प्रतिक्रिया दिनुहोस