झापामा चट्याङ लागेर एक जनाको मृत्यु

अञ्जना ढकाल

१ हप्ता अघि

पाठक संख्या ६२

झापा, चैत २७ – झापामा चट्याङ लागेर एक जनाको मृत्यु भएको छ।

पाँचथर मिक्लाजुङ गाउँपालिका-३ आरुभोटे स्थायी घर भई हाल झापा गौरादह नगरपालिका-५ बालुबथानमा बस्दै आएका ५४ वर्षीय दूधकुमार लावतीको चट्याङ लागेर मृत्यु भएको जिल्ला प्रहरी कार्यालय झापाले जनाएको छ।

प्रहरीका अनुसार, आज बिहान ७ बजे लावती भान्सा कोठामा खाजा खाइरहेका बेला चट्याङ लागेको थियो। घटनास्थलमा नै उनको मृत्यु भएको बताइएको छ। घटनापछि इलाका प्रहरी कार्यालय दमक र गौरादहका टोलीले शवको कानुनी प्रक्रिया पूरा गरी पोस्टमार्टमका लागि दमक अस्पताल पठाएको छ।

प्रहरीले थप अनुसन्धान जारी राखेको जानकारी दिएको छ।