दुई ठूला दलको सहकार्यले स्थिरता र विकासको यात्रा शुरु: ओली

KP Sharma Oli

Sangeeta Gurung

५ दिन अघि

पाठक संख्या ५२

काठमाडौं: प्रधानमन्त्री केपी शर्मा ओलीले राजनीतिक अन्योल, अस्थिरता, र भ्रष्टाचारले सीमा नाघेपछि दुई ठूला दलको सहकार्यमा नयाँ सरकार बनाउनु परेको बताएका छन्।

नेपाल उत्पीडित जातीय मुक्ति समाजको ३७औँ स्थापना दिवसमा उनले जातीय छुवाछुत र साम्प्रदायिकता समाजका ऐजेरु भएको भन्दै यसलाई उखेलेर फाल्न सरकार प्रतिबद्ध रहेको स्पष्ट पारे।

ओलीले संविधान र कानुन संशोधनमार्फत असमानता, अन्याय, र छुवाछुत अन्त्य गर्ने र समाजलाई स्थिरता र विकासको गन्तव्यमा लैजाने योजना रहेको बताए। कार्यक्रममा नेपाली काँग्रेसका सभापति शेरबहादुर देउवाले पनि जातीय समानताको स्थापनाका लागि सामाजिक सुधार र संविधानको पालना अनिवार्य रहेकोमा जोड दिए।