काठमाडौं, पुस ११ - देशमा पश्चिमी वायु र न्यूनचापीय प्रणालीको आंशिक प्रभावले अहिले पहाडी क्षेत्रमा आंशिक बदली छ भने अन्य भूभागमा मौसम प्रायः सफा रहेको छ।
मौसमविद्हरूका अनुसार शुक्रबार रातिदेखि देशका धेरै स्थानमा बदली र हल्का वर्षा हुनेछ। गण्डकी र अन्य हिमाली क्षेत्रमा हल्का हिमपातको सम्भावना छ।
पुसे झरीसँगै चिसो बढ्ने र बिहान तराई-उपत्यकामा कुहिरो लाग्न सक्ने भएकाले सतर्कता अपनाउन मौसम विभागले अनुरोध गरेको छ।
तराई र उपत्यकाका केही स्थानमा बिहान कुहिरो लाग्ने सम्भावना रहेकोले दैनिक जनजीवन, स्वास्थ्य, यातायात, तथा हवाई उड्डयनमा असर पर्ने हुनसक्छ।
अञ्जना ढकाल
प्रतिक्रिया दिनुहोस