काठमाडौँ, पुस १६ – तारकेश्वर नगरपालिका–१०, मनमैजुमा मेरीस्टोप्स इन्टरनेशनल र रोटरी क्लबसँगको सहकार्यमा आयोजित स्वास्थ्य शिविरमा ११० महिलाको पाठेघरको मुखको क्यान्सर जाँच (भिआइए विधि) गरिएको थियो।
स्क्रिनिङमा चार महिलाको रिपोर्ट पोजेटिभ देखिएको र उनीहरूलाई थप उपचारका लागि क्यान्सर अस्पताल भक्तपुर तथा भरतपुरमा रिफर गरिएको छ। शिविरमा १५० छात्रालाई एचपिभी खोपको महत्त्वबारे सचेतना पनि प्रदान गरिएको थियो।
सरकारले आगामी माघ २३ देखि १० देखि १४ वर्षका किशोरीलाई पाठेघरको क्यान्सरविरुद्ध खोप अभियान सञ्चालन गर्ने जनाएको छ।
अञ्जना ढकाल
प्रतिक्रिया दिनुहोस