काठमाडौँ, माघ २५ - वैदेशिक रोजगारीमा आकर्षक तलबको प्रलोभन देखाई विभिन्न देश पठाइदिन्छु भन्दै लाखौँ रकम ठगी गरेको आरोपमा ३ जनालाई प्रहरीले पक्राउ गरेको छ ।
पक्राउ पर्नेहरूमा मकवानपुर थाहा नगरपालिका-२ घर भई काठमाडौं महानगरपालिका-२६ बस्ने ३८ वर्षीय रविन कार्की, सुर्खेत गुर्भाकोट नगरपालिका-२ घर भई हाल काठमाडौं तार्केश्वर नगरपालिका नेपालटार बस्दै आएका ३६ वर्षीय रमेश कुमार डिसी र रोल्पा गंगादेव गाउँपालिका-५ घर भई हाल काठमाडौं महानगरपालिका-३१ बस्ने ४१ वर्षीय जै बहादुर वली रहेका छन्।
पक्राउ परेका मध्य रविनले स्लोभाकिया पठाइदिन्छु भन्दै १ जना पीडितबाट १० लाख रूपैयाँ, रमेशले सिंगापुर पठाइदिन्छु भन्दै १ जना पीडितबाट १० लाख रूपैयाँ र जै बहादुरले क्रोएसिया पठाइदिन्छु भन्दै १ जना पीडितबाट ६ लाख रूपैयाँ लिई सम्पर्कबिहीन भएको भनि पीडितहरूले उजुरी दिएपछि काठमाडौं उपत्यका अपराध अनुसन्धान कार्यालय टेकुबाट खटिएको प्रहरी टोलीले रविनलाई काठमाडौं महानगरपालिका-२६ बाट, रमेशलाई काठमाडौं महानगरपालिका-९ बाट र जै बहादुरलाई काठमाडौं महानगरपालिका-३१ बाट बिहीबार पक्राउ गरेको हो।
पक्राउ पर्ने मध्ये रमेश कुमार डिसी र जै बहादुर वलीलाई अनुसन्धानको लागि वैदेशिक रोजगार विभाग ताहाचल काठमाडौं लागियको छ भने रविनलाईहरी वृत्त बौद्ध पठाइए छ।
अञ्जना ढकाल
प्रतिक्रिया दिनुहोस