काठमाडौँ, चैत्र १४ - समाजवादी मोर्चाले शुक्रबार काठमाडौँको भृकुटीमण्डपमा बृहत् जनप्रदर्शन गर्ने भएको छ। गणतन्त्रको सुदृढीकरण, राष्ट्रिय स्वाधीनताको संरक्षण तथा वर्तमान अवस्था र प्रतिगामी षड्यन्त्रको विरोध गर्दै प्रदर्शन गर्न लागिएको मोर्चाले जनाएको छ।
मोर्चाका अनुसार प्रदर्शनमा ‘समाजवादी मोर्चा, नेपाल जिन्दाबाद !’, ‘भ्रष्टाचारलाई कारबाही गर !’, ‘शिक्षकहरूको समस्या समाधान गर !’, ‘महँगी र कालोबजारी नियन्त्रण गर !’ लगायतका नाराहरू गुन्जिने छन्।
मोर्चाले सुशासन कायम गर्न, बेरोजगारी समस्या समाधान गर्न, महिलामाथिको हिंसा अन्त्य गर्न तथा सहकारी तथा वित्तीय क्षेत्रका समस्याहरू समाधान गर्न सरकारलाई दबाब दिने बताएको छ। साथै, गणतन्त्रको रक्षा, भ्रष्टाचारविरुद्धको कारबाही, चर्को व्याजदर नियन्त्रण र श्रमिक वर्गका मुद्दाहरूलाई प्राथमिकतामा राख्दै प्रदर्शन गरिने छ।
बुधबार बसेको मोर्चाको बैठकले प्रदर्शनका लागि नाराहरू तय गरेको हो। आयोजकहरूले प्रदर्शनमा करिब १ लाख समर्थकको सहभागिता रहने दाबी गरेका छन्।
अञ्जना ढकाल
-1579.jpeg)
प्रतिक्रिया दिनुहोस