काठमाडौं । नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टी (नेकपा) ले नेकपा माओवादी केन्द्रसहितका दलहरूसँग एकताको प्रयास जारी राख्ने निर्णय गरेको छ।
साथै, मोहन वैद्य, आहुति, धर्मेन्द्र बास्तोला, मोहन विक्रम सिंहलगायतका नेताहरूको नेतृत्वमा रहेका पार्टीहरूसँग सहकार्य गर्दै मोर्चावन्दीको प्रयास गर्ने निर्णय भएको छ।
मंगलबार सम्पन्न पोलिटब्युरो बैठकले समाजवादी मोर्चालाई प्रभावकारी बनाउन आवश्यक कदम चाल्ने निर्णय गरेको स्थायी समिति सदस्य तथा प्रचार विभाग इन्चार्ज अनिल शर्माले जानकारी दिए।
बैठकमा महासचिव विप्लवले आगामी निर्वाचन, देशको पछिल्लो राजनीतिक अवस्था, र संघर्षका १० प्रस्ताव राखेका थिए। सहिदहरूप्रति श्रद्धाञ्जली अर्पण गरेर सुरु भएको बैठकले केन्द्रीय समितिको राजनीतिक दिशालाई सही ठहर गरेको छ।
विप्लवले वर्तमान राजनीतिक सङ्कटको समाधान प्रतिगमन वा यथास्थिति नभई नेपाली विशेषताको समाजवाद निर्माण गर्नु रहेको बताएका छन्। स्वतन्त्र र संयुक्त पहललाई तीव्र पार्ने निर्णय समेत भएको शर्माले जानकारी दिए।
अञ्जना ढकाल
-1579.jpeg)
प्रतिक्रिया दिनुहोस