सिरिजङ्गा गाउँपालिकाको बेरुजु सबैभन्दा कम, महालेखा परीक्षकको प्रतिवेदन सार्वजनिक

अञ्जना ढकाल

१ हप्ता अघि

पाठक संख्या ६४

ताप्लेजुङ, जेठ १ – ताप्लेजुङका ९ स्थानीय तहमध्ये सिरिजङ्गा गाउँपालिकाको बेरुजु सबैभन्दा कम देखिएको छ। महालेखा परीक्षकको कार्यालयले सार्वजनिक गरेको ६२ औं वार्षिक लेखा परीक्षण प्रतिवेदन अनुसार सिरिजङ्गाको बेरुजु १.०८ प्रतिशत रहेको छ।

त्यसैगरी, पाथीभरा याङवरक गाउँपालिकाको बेरुजु १.२० प्रतिशत र फुङलिङ नगरपालिकाको बेरुजु २.२० प्रतिशत रहेको छ। आठराई त्रिबेणी गाउँपालिकाको बेरुजु २.५८ प्रतिशत, सिदिङ्गा गाउँपालिकाको बेरुजु २.७९ प्रतिशत रहेको छ।

महालेखा परीक्षकको प्रतिवेदन अनुसार, मेरिङदेन गाउँपालिकाको बेरुजु ४.९५ प्रतिशत, फक्ताङलुङ गाउँपालिकाको बेरुजु ५.४३ प्रतिशत, मिक्वाखोलाको बेरुजु ५.७० प्रतिशत र मैवाखोलाको बेरुजु ८.४४ प्रतिशत रहेको छ।

यसरी, महालेखाको ६२ औं वार्षिक लेखा परीक्षण प्रतिवेदनले ताप्लेजुङका विभिन्न स्थानीय तहहरूको वित्तीय अवस्था र बेरुजुको स्थिति प्रकट गरेको छ।

ध्यान दिनु पर्ने कुरा के हो भने, महालेखाको ६१ औं वार्षिक लेखा परीक्षण प्रतिवेदनमा पाथीभरा याङवरक गाउँपालिकाको बेरुजु शून्य थियो।