कर्णाली विकासका लागि शाहीको ९ बुँदे प्रस्ताव

अञ्जना ढकाल

५ महिना अघि

पाठक संख्या १५९

काठमाडौं, चैत १६ - ज्ञानेन्द्र शाही ले प्रधानमन्त्री बालेन्द्र शाह समक्ष कर्णाली प्रदेशको विकाससँग सम्बन्धित ९ बुँदे माग पेश गरेका छन्।

प्रधानमन्त्रीसँग जारी प्रदेशगत परामर्श कार्यक्रमअन्तर्गत भएको भेटमा शाहीले कर्णालीको समग्र विकासका लागि आवश्यक पूर्वाधार विस्तार, शिक्षा तथा स्वास्थ्य सेवाको सुधार, रोजगारी सिर्जना र स्थानीय स्रोत–साधनको प्रभावकारी उपयोगजस्ता विषयलाई प्राथमिकताका साथ उठाएका थिए।

उनले कर्णाली प्रदेशमा दीगो विकास सुनिश्चित गर्न केन्द्र सरकारको विशेष ध्यान आवश्यक रहेको उल्लेख गर्दै विभिन्न नीतिगत र संरचनागत सुधारका प्रस्तावसमेत अघि सारे।

जवाफमा प्रधानमन्त्री शाहले कर्णाली प्रदेशको समावेशी र दिगो विकासका लागि सरकार प्रतिबद्ध रहेको बताएका छन्। उनले आवश्यक सहयोग तथा समन्वय गर्न सरकार तयार रहेको स्पष्ट पारे।

उक्त भेटघाटमा कर्णाली प्रदेशबाट निर्वाचित सांसदहरूको समेत सहभागिता रहेको थियो।