इरानले मंगलबार इसराइलमाथि अहिलेसम्मकै ठूलो हमला

Attack

एजेन्सीको सहयोगमा

८ महिना अघि

पाठक संख्या ११८

इरानले मंगलबार इसराइलमाथि १८० भन्दा बढी ब्यालिस्टिक मिसाइल आक्रमण गरेको छ, जसलाई अहिलेसम्मकै ठूलो हमला भनिएको छ। यो आक्रमण जेरूसेलम र तेल अविभजस्ता प्रमुख इसराइली शहरहरूमा लक्षित थियो।

आक्रमणपछि साइरनहरू बज्न थाले, र इसराइलको प्रतिरक्षा प्रणालीले धेरै मिसाइलहरूलाई आकाशमै नष्ट गरेको बताइएको छ। यद्यपि, केही मिसाइलहरू जमिनमा खसेको र यसको पूर्ण क्षति विवरण अझै सार्वजनिक नभएको बताइएको छ।

आक्रमणमा ९० प्रतिशत मिसाइलले लक्षित बिन्दुमा पुगेको र इसराइलका सैनिक किल्लाहरूलाई मुख्य लक्ष बनाइएको इरानको इस्लामिक रिभोलुसनरी गार्डले जनाएको छ। इसराइलले अधिकांश मिसाइलहरूलाई आफ्नो डिफेन्स सिस्टमबाट नष्ट गरे पनि केही क्षति पुगेको छ। 

इजरायली प्रधानमन्त्री बेन्यामिन नेतन्याहुले इरानले ठूलो गल्ती गरेको र यसको सजाय भोग्न तयार हुन चेतावनी दिएका छन्। फ्रान्स, संयुक्त अधिराज्य, र जर्मनीले इरानको आक्रमणको निन्दा गरेका छन्, र अमेरिकाले इरानविरुद्ध कसरी प्रस्तुत हुने भन्ने विषयमा इसराइलसँग छलफल गरिरहेको छ।