रोल्पामा निर्माणाधीन झोलुङ्गे पुलको पर्खाल लगाउने क्रममा माटोको ढिस्को कामदारहरुमाथि खस्दा मृत्यु हुनेको संख्या ५ पुगेको छ।
पुरिएका ६६ वर्षीय देविराम परियारको शव पनि फेला परेपछि मृतकको संख्या ५ पुगेको हो। यसअघि ४५ वर्षीय दुजमन परियार, ३१ वर्षीय ओम परियार, ४० वर्षीया सुबित्रा परियार र २७ वर्षीया आईती परियारको मृत्यु भएको थियो। सबै मृतक सुनछहरी गाउँपालिका वडा नम्बर ३ बाहिरी गामका हुन्।
मौलाबाङ र बाहिरी गाम जोड्ने झोलुङ्गे पुलको पर्खाल लगाउने क्रममा आज बिहान ९:५० बजे माटोको ढिस्को खस्दा उनीहरू पुरिएका थिए। दुई जना भने ज्यान जोगाउन सफल भएका थिए।
उद्धारको लागि इलाका प्रहरी कार्यालय सुलिचौर र प्रहरी चौकी गामबाट टोली खटिएको थियो।
Sangeeta Gurung
प्रतिक्रिया दिनुहोस