विराटनगर: मोरङ जिल्लाको ग्रामथान गाउँपालिका–२ झोराहाटमा शनिबार राति मोटरसाइकल दुर्घटनामा बाबुछोराको मृत्यु भएको छ।
झोराहाट चौकस्थित नहरको पुलमा प्रदेश १–०४–००२ प १९०१ नम्बरको मोटरसाइकल ठोक्किँदा कटहरी गाउँपालिका–१ का २२ वर्षीय आशिक मरिक र उनका पिता ४५ वर्षीय उमेश मरिकको ज्यान गएको हो।
दुर्घटना राति करिब १ बजे भएको थियो। प्रहरीले जनाएअनुसार, मोटरसाइकल छोरा आशिकले तीव्र गतिमा चलाएका थिए, जसका कारण घिनाघाट–विराटचोक सडक खण्डमा रहेको नहरको पुलमा ठोक्किएर दुर्घटना भएको हो।
दुर्घटनापछि गम्भीर घाइते भएका बाबुछोरालाई प्रहरीको सहयोगमा विराट नर्सिङहोम पुर्याइएको थियो। तर, उपचारका क्रममा उनीहरूको राति नै मृत्यु भएको अस्पतालले जनाएको छ।
Sangeeta Gurung
प्रतिक्रिया दिनुहोस