नुवाकोटमा बसले मोटरसाइकललाई ठक्कर दिँदा एकको मृत्यु

अञ्जना ढकाल

४ महिना अघि

पाठक संख्या १३३

नुवाकोट, माघ २३ - नुवाकोटमा बसले मोटरसाइकललाई ठक्कर दिँदा मोटरसाइकलमा सवार एक जनाको मृत्यु भएको छ।

बुधबार दिउँसो बेलकोटगढी नगरपालिका-७ मा बसले मोटरसाइकललाई ठक्कर दिने क्रममा एक जनाको मृत्यु भएको जिल्ला प्रहरी कार्यालय नुवाकोटका एसपी दुर्गा रेग्मीले जानकारी दिएका छन्।

बा ३ ख ५५४७ नम्बरको बसले बा ५८ प २८०४ नम्बरको मोटरसाइकललाई ठक्कर दियको थियो। उक्त ठक्करबाट सोही ठाउँमा बस्ने जीवन राईको मृत्यु भएको हो।

रेग्मीका अनुसार राईलाई त्रिशुली अस्पताल लगिएको र त्यहाँ उपचारका क्रममा उनको मृत्यु भएको हो। बसमा सवार १७ जना भने सामान्य घाइते रहेको उनले बताएका छन्।