प्रधानमन्त्री बालेन शाहसँग छलफल गर्न बालुवाटार पुगे गृहमन्त्री गुरुङ

अञ्जना ढकाल

३ घण्टा अघि

पाठक संख्या ३४

काठमाडौं, वैशाख ९ - गृहमन्त्री सुदन गुरुङ प्रधानमन्त्री बालेन शाहसँग छलफलका लागि प्रधानमन्त्री तथा मन्त्रिपरिषद्को कार्यालय पुगेका छन् ।

विवादित व्यवसायी दीपक भट्टसँगको साझेदारी र सम्बन्धित कम्पनीमा आफ्नो सेयर रहेको तथ्य सार्वजनिक भएपछि गुरुङमाथि चौतर्फी आलोचना बढिरहेको छ ।

उक्त प्रकरण सार्वजनिक भएसँगै राजनीतिक तथा सार्वजनिक वृत्तमा गृहमन्त्रीको भूमिकामाथि प्रश्न उठ्न थालेका छन् ।

यसै सन्दर्भमा विकसित परिस्थितिबारे प्रधानमन्त्रीसँग छलफल गर्न गृहमन्त्री गुरुङ बालुवाटार पुगेको स्रोतले जनाएको छ ।

यता, बढ्दो विवादका बीच गृहमन्त्री गुरुङलाई पदबाट राजीनामा दिनुपर्ने माग पनि तीव्र बन्दै गएको छ ।