जुम्लामा जबरजस्ती करणी आरोपमा वडाध्यक्ष पक्राउ, अनुसन्धान जारी

अञ्जना ढकाल

हिंजो प्रकाशित

पाठक संख्या ३४

जुम्ला, वैशाख २४ - जुम्लामा जबरजस्ती करणीको आरोपमा एक वडाध्यक्ष पक्राउ परेका छन् । पक्राउ पर्नेमा पातारासी गाउँपालिका–५ का वडाध्यक्ष दत्तबहादुर बुढा रहेका छन् ।

जिल्ला प्रहरी कार्यालय जुम्लाका अनुसार २६ वर्षीया एक महिलाले दिएको उजुरीका आधारमा बुधबार उनलाई नियन्त्रणमा लिइएको हो । घटनापछि प्रहरीले थप अनुसन्धान अगाडि बढाएको जनाएको छ ।

प्रहरी नायव उपरीक्षक रबिनबाबु रेग्मीले घटनाबारे अनुसन्धान जारी रहेको जानकारी दिएका छन् । उनका अनुसार उजुरी दिने महिला अविवाहित हुन् भने पक्राउ परेका वडाध्यक्ष विवाहित व्यक्ति हुन् ।

प्रहरीले अदालतबाट पाँच दिनको म्याद थप अनुमति लिएर घटनाबारे विस्तृत अनुसन्धान गरिरहेको जनाएको छ ।

घटनापछि स्थानीय क्षेत्रमा चर्चा बढेको छ भने प्रहरीले तथ्य र प्रमाणका आधारमा अनुसन्धान प्रक्रिया अघि बढाइरहेको बताएको छ ।