नेपाल–भारत सीमा मुद्दामा कञ्चनपुरमा उच्चस्तरीय वार्ता

अञ्जना ढकाल

२ घण्टा अघि

पाठक संख्या २३

कञ्चनपुर, असार १ - नेपाल र भारतबीचको सीमा क्षेत्रमा देखिएका विभिन्न समस्या तथा व्यवस्थापनका विषयमा छलफल गर्न भारतीय उच्चस्तरीय प्रतिनिधिमण्डल कञ्चनपुर पुगेको छ।

महेन्द्रनगरस्थित एक होटलमा जारी बैठकमा दुवै देशका प्रशासनिक तथा सुरक्षा निकायका वरिष्ठ अधिकारीहरू सहभागी छन्। बैठकमा सीमा सुरक्षालाई थप प्रभावकारी बनाउने, सीमावर्ती क्षेत्रमा आवतजावत सहज बनाउने, सीमा स्तम्भहरूको संरक्षण तथा व्यवस्थापनलगायत साझा सरोकारका विषयमा विस्तृत छलफल भइरहेको जनाइएको छ।

नेपाल–भारत सीमा क्षेत्रमा समय–समयमा देखिने समस्या समाधान गर्न तथा आपसी समन्वय र सहकार्यलाई अझ मजबुत बनाउने उद्देश्यका साथ उक्त बैठक आयोजना गरिएको हो।

अधिकारीहरूका अनुसार सीमा व्यवस्थापनलाई व्यवस्थित र प्रभावकारी बनाउने विषयमा दुवै पक्ष सकारात्मक रूपमा अघि बढिरहेका छन्। बैठकबाट सीमासम्बन्धी चुनौतीहरूको समाधानका लागि थप सहकार्यको आधार तयार हुने अपेक्षा गरिएको छ।