एसिया कपमा नेपालको ऐतिहासिक जित

नेपालका लागि सिता रानामगरले ७, कविता कुँवरले २ तथा इन्दु वर्माले ६ रन जोडिन्। रुविना क्षेत्री १० रन जोडेर पेभेलियन फर्किइन्। बलिङमा युएईकी कविशाले ३ विकेट र लावण्या केनीले एक विकेट लिइन्।

यसअघि नेपालले टस जितेर पहिला बलिङ गर्ने निर्णय गरेपछि ब्याटिङमा उत्रेकाे यूएईले निर्धारित २० ओभरमा ८ विकेट गुमाएर ११५ रन बनाएको थियो। यूएईका लागि खुशी शर्माले सर्वाधिक ३६ र कभिसा गोडागले २२ रनको योगदान दिए।नेपालका लागि कप्तान इन्दु बर्माले ३ तथा कृतिका मरासिनी र सबनम राईले एक-एक विकेट लिए।

समूह ‘ए’ मा रहेको नेपालले पाकिस्तानविरुद्ध जुलाई २१ मा र भारतविरुद्ध जुलाई २३ मा प्रतिस्पर्धा गर्नेछ। समूह ‘बी’ मा बंगलादेश, श्रीलंका, मलेसिया र थाइल्याण्ड रहेका छन्। प्रत्येक समूहका शीर्ष दुई टोली सेमिफाइनलमा पुग्नेछन्।