सिराहाको औरही गाउँपालिकामा छोराले आफ्नै बुवाको हत्या गरेको आरोपमा प्रहरीले छोरालाई पक्राउ गरेको छ। जिल्ला प्रहरी कार्यालय सिराहाका अनुसार औरही गाउँपालिका–३ खजनपुर बस्ने ३८ वर्षीय शैलेन्द्रकुमार यादवलाई पक्राउ गरिएको हो।
प्रारम्भिक अनुसन्धान अनुसार, शैलेन्द्रकुमार र उनकी पत्नी रेणुकुमारी यादवले घरायसी विवादको क्रममा कुटपिट गरी ६५ वर्षीय बुवा भालेश्वर यादवको हत्या गरियको आशंका गरिएको छ।
कुटपिटपछि गम्भीर घाइते भएका भालेश्वर यादवलाई उपचारका लागि विराटनगरस्थित नोबेल अस्पतालमा लगिएको थियो, जहाँ उपचारकै क्रममा उनको मृत्यु भएको प्रहरीले जनाएको छ।
प्रहरीले शैलेन्द्रकुमारलाई ज्यानसम्बन्धी कसुरमा अनुसन्धान अघि बढाएको छ भने मृतकको शव पोस्टमार्टमपछि परिवारको जिम्मा लगाइएको छ।
क्वालिटी खबर
प्रतिक्रिया दिनुहोस