हाल देशभर पश्चिमी वायुको प्रभाव तथा स्थानीय वायुको कारणले नेपालका केही भूभागमा मौसम बदली भएको छ।
जल तथा मौसम विज्ञान विभागका अनुसार कोशी, बागमती, गण्डकी, कर्णाली र सुदूरपश्चिम प्रदेशका केही स्थानमा आंशिकदेखि साधारण बदली रहेको छ भने बाँकी स्थानमा मौसम सामान्यतया सफा रहेको छ।
कोशी र बागमती प्रदेशका एक-दुई स्थानमा हल्का वर्षा भइरहेको छ भने दिउँसो देशका पहाडी क्षेत्रहरूमा मेघ गर्जन र चट्याङ्गसहित हल्कादेखि मध्यम वर्षा हुने सम्भावना रहेको छ। राति पनि कोशी, मधेस, बागमती, गण्डकी र लुम्बिनी प्रदेशमा बदली कायम रहने र केही स्थानहरूमा वर्षाको सम्भावना रहेको छ।
विशेष गरी चट्याङ्ग सम्भावना भएका क्षेत्रमा सतर्कता अपनाउनु आवश्यक छ।
अञ्जना ढकाल
प्रतिक्रिया दिनुहोस