रवि लामिछानेको अनुसन्धानका लागि कास्की जिल्ला अदालतले दिएको पहिलो म्याद आज राति १२ बजे सकिँदै छ। अदालतले पक्राउ परेको दिनदेखि ६ दिनको म्याद दिएको थियो, जसअनुसार लामिछानेलाई भोलि पुनः अदालतमा उपस्थित गराइने छ।
रवि लामिछानेको पक्षमा उनका समर्थकहरूले पोखरामा निरन्तर प्रदर्शन गरिरहेका छन्, जसमा उनलाई निर्दोष ठहर गर्दै निशर्त रिहा गर्न माग गरिएको छ। रास्वपाका कार्यवाहक प्रवक्ता मनिष झाका अनुसार बुधबार सिर्जनाचोकमा पनि प्रदर्शन हुनेछ।
रास्वपाका नेता र कार्यकर्ताहरू लामिछानेको पक्राउपछि निरन्तर पोखरामा आन्दोलनरत छन्। भोलि अदालतमा पेश गर्ने दिनलाई ध्यानमा राख्दै, रास्वपाले अझै सशक्त प्रदर्शनको तयारी गरिरहेको छ।
अञ्जना ढकाल
प्रतिक्रिया दिनुहोस