लिखु गाउँपालिका–६, छहरेमा मिनीट्रकले ठक्कर दिँदा मोटरसाइकलमा सवार एक जनाको मृत्यु भएको र अर्को एक जना गम्भीर घाइते भएका छन्।
जिल्ला प्रहरी कार्यालयका प्रमुख शान्तिराज कोइरालाका अनुसार दुर्घटना टोखा–छहरे सडकमा गए राति भएको हो। दुर्घटनामा तादी गाउँपालिका–३ का ३५ वर्षीय विनोद चौलागाईँको घटनास्थलमै मृत्यु भएको पुष्टि भएको छ।
त्यसैगरी, तादी–३ निवासी राजाराम श्रेष्ठ गम्भीर घाइते भएका छन्, जसको उपचार अहिले काठमाडौंको ग्रिनसिटी अस्पतालमा भइरहेको छ। दुर्घटनापछि मिनीट्रकका चालक फरार रहेका छन्, र उनको खोजी भइरहेको प्रहरी प्रमुख कोइरालाले बताएका छन्।
अञ्जना ढकाल
प्रतिक्रिया दिनुहोस