रवि लामिछानेका समर्थकहरूद्वारा मंगलबार पोखरामा प्रदर्शन

Aandolan

अञ्जना ढकाल

१० महिना अघि

पाठक संख्या १५२

सहकारी ठगी प्रकरणमा अनुसन्धान भइरहेका रास्वपाका सभापति रवि लामिछानेका समर्थकहरूले मंगलबार पोखरामा प्रदर्शन गरेका छन्। लामिछानेलाई राजनीतिक प्रतिशोधका कारण फसाउन खोजिएको दाबी गर्दै समर्थकहरूले पोखराको जिरो किलोमा भेला भई प्रदर्शन गरेका हुन्। 

प्रदर्शनमा सहभागीहरूले लामिछानेको रिहाइको माग राख्दै सरकारलाई प्रतिशोधपूर्ण राजनीति नगर्न आग्रह गरेका छन्। लामिछानेको पक्षमा नाराबाजी गर्दै समर्थकहरूले उनीमाथि लगाइएका आरोपप्रति असन्तोष व्यक्त गरेका छन्। 

प्रदर्शनमा रास्वपाका नेता, कार्यकर्ता र समर्थकहरूको उपस्थिति थियो। यस घटनाले सहकारी ठगी प्रकरणमा राजनीतिक र सामाजिक बहसलाई थप तातेको छ।