नेपाल वायु सेवा निगम (नेपाल एयरलाइन्स) को मकालु विमान (९एन-एएलजेड) ले नियमित उडान पुनः सुरु गरेको छ। अन्तर्राष्ट्रिय मापदण्ड अनुसार इटालीमा सि-चेक मर्मत सम्भार पूरा गरेपछि विमानले उडानमा फर्किएको हो।
त्रिभुवन अन्तर्राष्ट्रिय विमानस्थलमा आज बिहान ८ बजेर ५२ मिनेटमा मकालु विमान अवतरण गरेको छ। मकालु विमानको पुनः सञ्चालनसँगै नेपाल एयरलाइन्ससँग रहेका सबै चारवटा विमान अब नियमित उडानमा संलग्न भएका छन्।
यो प्रक्रिया नेपाल एयरलाइन्सको उडान क्षमता र विश्वसनीयतामा थप सुधार गर्ने लक्ष्यसहित अघि बढाइएको छ। निगमले मकालु विमानलाई सुरक्षित र गुणस्तरीय सेवा प्रदान गर्न आवश्यक सबै मापदण्ड पालना गरेको बताएको छ।
अञ्जना ढकाल
प्रतिक्रिया दिनुहोस