नेपाल एसबिआई बैंकले आर्थिक वर्ष २०८०–८१ को नाफाबाट सेयरधनीहरूलाई लाभांश दिने घोषणा गरेको छ।
बैंकको मंगलबार बसेको सञ्चालक समितिको बैठकले ३.८० प्रतिशत बोनस सेयर र ६.८५ प्रतिशत नगद लाभांश (कर सहित) गरी कुल १०.६५ प्रतिशत लाभांश वितरण गर्ने निर्णय गरेको हो।
प्रस्तावित लाभांश नेपाल राष्ट्र बैंकको स्वीकृतिपछि बैंकको आगामी ३१औं वार्षिक साधारण सभाले पारित गरेपछि सेयरधनीहरूले पाउनेछन्।
गत आर्थिक वर्ष २०७९–८० मा बैंकले ३.७५ प्रतिशत बोनस सेयर र ६.८० प्रतिशत नगद लाभांश गरी कुल १०.५५ प्रतिशत लाभांश वितरण गरेको थियो।
नेपाल एसबिआई बैंकको वर्तमान चुक्तापुँजी १० अर्ब ५० करोड रूपैयाँ रहेको छ, र सोही पुँजीको आधारमा लाभांश वितरणको निर्णय गरिएको छ।
Sangeeta Gurung
प्रतिक्रिया दिनुहोस