पोखरा – कास्की प्रहरीको हिरासतमा रहेका राष्ट्रिय स्वतन्त्र पार्टी (रास्वपा) का सभापति रवि लामिछानेको तस्बिर प्रहरीकै सिसिटीभीमा खिचेको डा. निकोलस भुसालले बताएका छन्।
भुसालले भने, 'मैले प्रहरीकै अगाडि रवि लामिछाने सुतिरहेको फोटो सिसिटीभीमा खिचेको हुँ। त्यतिबेला प्रहरीले केही भनेन'।
उनले उक्त फोटो फेसबुकमा पोष्ट गरेपछि रास्वपाका कार्यकर्ताले भाइरल बनाएका थिए।
कास्की प्रहरीका डिएसपी बसन्त शर्माले फोटो खिच्ने व्यक्तिको पहिचानका लागि अनुसन्धान भइरहेको जानकारी दिए।
भुसालले लामिछानेको स्वास्थ्य समस्याबारे पनि जानकारी दिँदै भने, "उहाँले मलाई तनाव छ र स्वास्थ्यमा समस्या छ भन्नुभयो।"
लामिछानेलाई गत कात्तिक २ गते सहकारी ठगी र संगठित अपराधको आरोपमा पक्राउ गरिएको थियो।
अञ्जना ढकाल
प्रतिक्रिया दिनुहोस