काठमाडौं, माघ ८ - नेकपा एमालेका सांसद गोकुल बास्कोटाले अध्यादेश ल्याउनु अलोकतान्त्रिक नरहेको बताएका छन्।
मंगलबार संसदको सार्वजनिक लेखा समितिको बैठकमा माओवादी सांसद लेखनाथ दाहाल र स्वतन्त्र सांसद अमरेश कुमार सिंहले अध्यादेश ल्याउनु गलत रहेको बताएका थिए। त्यसपछि बोलेका एमाले सांसद बास्कोटाले अध्यादेश संवैधानिक व्यवस्था भएको स्पष्ट पारे।
बास्कोटाले भने, ‘अध्यादेश आउनु लोकतन्त्र हो कि होइन भन्ने अनौठो लाग्छ। त्यो व्यवस्था संविधानमा राखिएको छ त कसरी अलोकतान्त्रिक हुन्छ। होइन भने त्यो बुँदा संविधानबाट झिकिदिउँ।’
उनले अध्यादेशको निजी क्षेत्रबाट स्वागत भएको उल्लेख गर्दै, यसलाई दल फुटाउन ल्याइएको भनी व्याख्या गर्नु उचित नभएको बताए। उनले थपे, ‘अध्यादेशको कन्टेन्टमा जाउँ न। प्राइभेट सेक्टरले स्वागतै गरेको छ त। अध्यादेश हिजो पनि आएको छ। कम्तिमा ४० प्रतिशत गरेर दल फुटाउन २० प्रतिशत भन्ने त आएको होइन नि।’
अञ्जना ढकाल
प्रतिक्रिया दिनुहोस