रोल्पा, माघ ८ - रोल्पा जिल्लाको रुन्टीगढी गाउँपालिका–७ बलबाङमा मंगलबार साँझ बसको ठक्करबाट एक जना पैदलयात्रीको मृत्यु भएको छ। घटनामा ७५ वर्षीय मनबुझा विकको ज्यान गएको हो।
दाङको घोराहीबाट रोल्पाको डुब्रिङतर्फ जाँदै गरेको रा १ ख २३५६ नम्बरको बसले रुन्टीगढी–६ भित्री सडक खण्डमा पर्ने कानकुटे डाँडानजिकै विकलाई ठक्कर दिएको थियो। ठक्करपछि उनको घटनास्थलमै मृत्यु भएको जिल्ला प्रहरी कार्यालय रोल्पाले जनाएको छ।
दुर्घटनापछि बसका चालक र सहचालक फरार भएका थिए। तर, प्रहरीले खोजी अभियान चलाउँदै रुन्टीगढी–५ भर्तिवन निवासी ३४ वर्षीय चालक लेखराज दसौंदीलाई साँझ ७ बजेतिर नियन्त्रणमा लिएको छ।
रोल्पा प्रहरीले घटनाबारे थप अनुसन्धान भइरहेको जनाएको छ।
अञ्जना ढकाल
प्रतिक्रिया दिनुहोस