पोखरा, माघ १४ - राष्ट्रिय स्वतन्त्र पार्टीका सभापति रवि लामिछानेले कास्की जिल्ला अदालतको थुनछेक आदेशको विरुद्ध उच्च अदालत पोखरामा निवेदन दर्ता गरेका छन् ।
जिल्ला अदालत पोखराले पुस २५ गते फौजदारी कार्यविधि संहिताको दफा ६८ बमोजिम रवि लामिछानेसँग ६० लाख धरौटी मागेको थियो। उक्त आदेशसँग असहमत हुँदै लामिछानेले उच्च अदालतमा दर्ता गरिएको निवेदनमा उक्त आदेशलाई बदर गर्न र दफा ६९ बमोजिम साधारण तारेखमा मुद्दा पुर्पक्ष गर्न माग गरेका छन्।
लामिछानेले निवेदनमा आफूलाई थप कुनै धरौटी नलागी साधारण तारेखमा बसी मुद्दा समाधान गर्न अनुमति दिनुपर्ने दाबी गरेका छन्। उच्च अदालत पोखराले अब उक्त निवेदनमा सुनुवाई गर्ने प्रक्रिया शुरु गर्ने अपेक्षा गरिएको छ।
अञ्जना ढकाल
प्रतिक्रिया दिनुहोस