कलाकार तथा निर्देशक अनुप योञ्जनलाई कोशी भिजन फिल्म्सले दमक स्थित डि माक्स हलमा नेपाली कथानक चलचित्र "चारदाम"को विशेष शोको अवसरमा सम्मानित गरेका छन्।
उनीसँगै नेपाल पत्रकार महासंघ झापाका सचिव र निर्देशक डिकेश लामा, कलाकार शान्ति पाख्रिन लामा गुरुङ, राज खिम्दिम लिम्बु र प्राविधिक श्याम गिरिलाई पनि सम्मान गरिएको छ।
अनुपले कोशी भिजन फिल्म्सद्वारा निर्मित "सगुन" र "अस्तित्वको लडाई"मा मुख्य नायकको भूमिकामा अभिनय गरेका छन्। सो संस्थाका अध्यक्ष र निर्देशक लाख मान योञ्जनले अनुपको उल्लेखनीय योगदानको कदर गर्दै सम्मानित गरेका हुन्।
अनुपले पाँच नेपाली फिल्ममा अभिनय गरिसकेका छन् र उनका डेब्यु फिल्म "सिक्किम"बाट निर्माणाधीन "शास्त्र" पनि छ। उनले लगभग ३० म्युजिक भिडियोमा अभिनय गरेका छन् र हाल सर्ट फिल्म र म्युजिक भिडियो निर्देशनमा व्यस्त छन्। उनले आफ्नै होम प्रोडक्सन "पिस ल्याम्प इन्टरटेनमेन्ट प्रालि" मार्फत नेपाली फिल्म निर्माण र निर्देशनको तयारीमा रहेको बताए।
क्वालिटी खबर
प्रतिक्रिया दिनुहोस